Аймаг, сум дүүргийн ИТХ-ын нөхөн сонгуулийг энэ оны зургаадугаар сарын 18-ны өдөр зохион байгуулна. Иргэдийн хурлын төлөөлөгч нас барсан болон чөлөөлөгдөх хүсэлтээ өгсөн, төрийн жинхэнэ албан тушаалд томилогдсон шалтгаанаар 17 аймгийн 31 сум, нийслэлийн хоёр дүүрэгт ИТХ-ын нөхөн сонгууль явуулах шаардлага үүссэн билээ. Үүнтэй холбоотойгоор ирэх Лхагва гарагаас 17 аймгийн 33 сум, нийслэлийн хоёр дүүрэгт шилжилт хөдөлгөөнийг зогсоохоор болжээ.

Шилжилт хөдөлгөөнийг зогсоох аймаг, сум дүүрэг

• Баянхонгор аймгийн Баянговь, Баян-Овоо, Богд, Заг сум
• Говьсүмбэр аймгийн Сүмбэр сум, Шивээговь сум
• Өвөрхангай аймгийн Арвайхээр сум, Хархорин сум
• Архангай аймгийн Ихтамир сум
• Баян-Өлгийн Буянт сум
• Булган аймгийн Хангал сум
• Дорноговь аймгийн Айраг, Эрдэнэ сум
• Дорнод аймгийн Чойбалсан сум
• Дундговь аймгийн Адаацаг, Баянжаргалан, Өлзийт, Хулд сум
• Өмнөговь аймгийн Ноён сум
• Сүхбаатар аймгийн Уулбаян сум
• Сэлэнгэ аймгийн Баруунбүрэн, Сүхбаатар сум
• Төв аймгийн Бүрэн, Заамар, Өндөрширээт сум
• Увс аймгийн Давст, Түргэн сум
• Ховд аймгийн Булган, Мөнххайрхан, Эрдэнэбүрэн сум
• Хөвсгөл аймгийн Баянзүрх, Тосонцэнгэл сум
• Хэнтий аймгийн Батширээт сум
• Нийслэлийн Сүхбаатар, Баянгол дүүрэг.