Засгийн газар өнгөрсөн баасан гарагт ээлжит бусаар хуралдаж, оффтейк гэрээнүүдийг ил болгох шийдвэр гаргасан. Тодруулбал, нууцад байсан 9 гэрээг ил болгосон юм.

Тэгвэл гэрээг ил болгосноор "Бодь интернэшнл" ХХК 1 км төмөр замыг 16 тэрбум төгрөгөөр барьсан нь ил боллоо.

Тодруулбал, 260 км төмөр замыг “Бодь” 1.282 тэрбум төгрөгөөр барьсан. Өнөөгийн ханшаар 4.4 их наяд төгрөг орчим болно. Энэ нь 1 км төмөр замыг 16 тэрбум төгрөгөөр барьсан гэсэн үг юм.

Сануулахад, "Эрдэнэс Тавантолгой” ХК-ийн хэрэгжүүлж байгаа төрийн нууцад хамаарах “Ил уурхайн олборлолтыг үе шаттайгаар нэмэгдүүлэх, шилдэг технологи нэвтрүүлэх төсөл”, “Ил уурхайн аргаар ашиглах боломжгүй нөөцийг далд уурхайн аргаар ашиглаж, экспортыг нэмэгдүүлэх төсөл”, “Загийн усны хоолойн газрын доорх усны ордоос Тавантолгой нүүрсний уурхай хүртэлх ус хангамжийн шугам хоолойн төслийн ажил”, “Богдхан төмөр зам”-ын суурь бүтэц барих төслийн ажил, Тавантолгой-Гашуунсухайт чиглэлийн төмөр замын төслийн ажил болон Тавантолгой-Зүүнбаян чиглэлийн дээд бүтэц дохиолол холбоо, эрчим хүч, гүүр хоолойн барилгын ажил, зураг төсөл гүйцэтгэх ажилд холбогдох есөн гэрээг нээлттэй болгосон юм.