Их эзэн Чингис хааны мэндэлсэн өдөр, “Монгол бахархлын өдөр”-ийг тохиолдуулан өнөөдөр УИХ-ын чуулганы хүндэтгэлийн хуралдаан боллоо. Тус хуралдаанд Монгол Улсын Ерөнхийлөгч асан Ц.Элбэгдорж болон УИХ-ын дарга асан Д.Дэмбэрэл, Д.Лүндээжанцан, "Чингис хаан" одонт АНУ-ын эрдэмтэн Жак Уэтерфорд, Шинжлэх ухааны гавьяат зүтгэлтэн, доктор, профессор, академич Д.Доржготов, Засгийн газрын гишүүд зэрэг олон хүмүүс оролцжээ.
