11 мянга гаруй үзмэр бүхий Чингис хааны музей өнгөрсөн долоо хоногт нээлтээ хийж, иргэдэд үйлчилж эхлээд буй. Тэгвэл Чингис хаан музейг очиж сонирхохоор төлөвлөж байгаа та бүхэнд музейтэй холбоотой мэдээллийг багцлан хүргэж байна.
-ЦАГИЙН ХУВААРЬ: МЯГМАР ГАРАГ БҮР АМАРНА-
Чингис хаан музей нь Даваагаас Ням гараг хүртэл 09:00-17:00 цаг хүртэл ажиллана. Касс 15:30-16:00 цагт хаана. Харин зөвхөн аравдугаар сарын 17-ны Даваа гарагт амарч, 18-ны Мягмар гарагт ажиллана. Харин цаашид долоо хоногийн Мягмар гарагт амарч байх болно.
-ШААРДЛАГА: 10 ХҮҮХДИЙГ 1 АСРАН ХАМГААЛАГЧ ЗААВАЛ ДАГАЛДАНА-
ЦЭЦЭРЛЭГ, СУРГУУЛИЙН НАСНЫ, АНГИ ХАМТ ОЛООРОО МУЗЕЙ ҮЗЭХ ХҮҮХДҮҮДИЙН АСРАН ХАМГААЛАГЧДАД ӨГӨХ САНАМЖ:
- 10 хүүхдийг 1 асран хамгаалагч заавал дагалдана.
-Музей дотор гүйж харайхыг хориглоно. Музей дотор гүйж харайснаас үзмэр гэмтэх, хүүхэд гэмтэх эрсдэлтэй.
-Музей доторх үзмэр эд, өлгийн зүйлд гар хүрэхийг хориглоно. Жаазтай болон овор хэмжээ их үзмэртэй 1 метрийн цаанаас харилцана.
-Гүйж харайсан, ил үзмэрийн хаалтыг давсан, овор хэмжээтэй үзмэртэй 1 метрийн зайнаас харилцаагүйгээс үүдэн гарах гэмтэл, хохирлыг музей хариуцахгүй.
-ТАРИФ: Чингис хаан музейг гадаад иргэн 30 мянган төгрөгөөр үзэх боломжтой-
Маргааш буюу аравдугаар сарын дугаар сарын 17-ны өдрөөс эхлэн доорх үнээр үйлчилнэ.
-Хүүхэд 0-16 нас /Музейн тухай хуулийн 9.1-т ... Монгол Улсын харьяат 16 хүртэлх насны хүүхэд ... гэж заасан/: Үнэгүй
-Ахлах анги 17-18 нас: 15000 төгрөг
-Оюутан /бакалавр түвшин/: 15000
-Том хүн: 30000 төгрөг
-Ахмад настан /Ахмад настны тухай хуулийн 3.1-т заасанчлан Эр 60 наснаас, эм 55 наснаас дээш/: 15000 төгрөг /Музейн тухай хуулийн 9.3-т зааснаар хөнгөлөлттэй үйлчлэх үнэ/
-Хөгжлийн бэрхшээлтэй иргэн /Үнэмлэхтэй/: 15000 төгрөг /Музейн тухай хуулийн 9.3-т зааснаар хөнгөлөлттэй үйлчлэх үнэ/
-Гадаадын иргэн: 30000 төгрөг
-Гадаад хүүхэд: 15000 төгрөг
-Чингис хаан музейг үзэхэд нэг хүн дунджаар 8-9 цагийг зарцуулна-
Албаныханы зүгээс өгч буй мэдээллээр, Чингис хаан музейг үзэхэд нэг хүн 8-9 цагийг зарцуулна. Хүүхэд, ахмад настан, хөгжлийн бэрхшээлтэй иргэдэд зориулсан сургалтын өрөө танхимууд байгаа. Кино театр байгаа аж.
