ОХУ-аас манай улс руу орж ирэх хүмүүсийн тоо эрчимтэйгээр нэмэгдэж байгаа. Тэгвэл өнгөрсөн шөнө буюу есдүгээр сарын 24-25-ныг шилжих шөнө ОХУ-ын гурван иргэн нийлж, Монгол эрэгтэйн толгойг алхаар цохин хүнд гэмтээсэн хэрэг гарсан талаар ар гэрийнхэн нь мэдээлсэн.

Энэ талаар ЦЕГ-аас тодруулахад "2022 оны 09-р сарын 25-ны 00:30 цагт БГД-ийн ... дугаар тоотод "Нэг орос хүн цагдаа, түргэн дуудаад өгөөч гээд байна" гэх дуудлагыг шалгахад "Оросын холбооны улсын иргэн “Д” 2022 оны 09 дүгээр сарын 22-23-ны өдөр Монгол Улсын хилээр нэвтэрсэн. Хил дээр танилцсан Монгол Улсын иргэн “А”-н гэрт түрээс төлж амьдрахаар 2022.09.24-ний өглөө 09.00 цагт ирсэн байна. Энэ өдөр “А”, “Д” нар нь тус байрны тоотод оршин суух “Г”-ийн гэрт орж хамт согтууруулах ундааны зүйл хэрэглэсэн бөгөөд улмаар Монгол Улсын иргэн “Г”, ОХУ иргэн “Д” нар муудалцаж “Д” нь иргэн “Г”-ын толгойн дагзан тус газар алхаар гэмтэл учруулсан хэргийг БГД-ийн ЦГ үргэлжлүүлэн шалгаж байна" гэлээ.

Гэхдээ иргэн Г-ийн ар гэрийнхэн тухайн үед ОХУ-ын гурван иргэн байсан гэх мэдээллийг өгч байгаа билээ.