Сармагчны цэцэг өвчний тохиолдол Дэлхийн нутагшмал бус улс орнуудад бүртгэгдсэнээс хойш Монгол улс тандалт, эмчилгээ, хариу арга хэмжээний бэлэн байдлыг хангахаар ажиллаж байна.

Дэлхийн эрүүл мэндийн байгууллагаас Сармагчны цэцэг өвчнийг олон улсын хэмжээний Нийгмийн эрүүл мэндийн ноцтой байдал хэмээн 2022 оны 07 дугаар сарын 23-ний өдөр зарласан билээ.

ДЭМБ-аар дамжуулан Япон улсын Халдварт өвчин судлалын үндэсний хүрээлэн (NIID)-ээс Халдварт өвчин судлалын үндэсний төвийн лавлагаа лабораторид сармагчны цэцэг өвчнийг илрүүлэх 600 урвалж оношлуурыг хүлээн авсан байна.