Монголын үндэсний олимпийн хорооны ээлжит чуулган өнөөдөр /2022.03.28/ болж байна. Чуулганаар МҮОХ-ны шинэ удирдлагуудыг тодруулах юм. Тухайлбал, МҮОХ-ны Ерөнхийлөгчийн сонгуульд Монгол Улсын Ерөнхийлөгч асан Х.Баттулга, тус хорооны тэргүүн дэд ерөнхийлөгч, олон улсын олимпийн хорооны гишүүн Б.Баттүшиг, биатлоны холбооны ерөнхийлөгч Э.Мөнх-Очир нар нэр дэвшиж буй.

Энэ үеэр МҮОХ-ны Ерөнхийлөгчийн сонгуульд нэр дэвшигч Э.Мөнх-Очир "МҮОХ-ны өмнөх удирдлагууд муу ажилласан гэдгийг би хэлчихсэн. Би МҮОХ-ны Ерөнхийлөгчөөр сонгогдвол "их цэвэрлэгээ" хийнэ. Тамирчдад бүх боломжийг олгодог болтол нь ажиллана. Өнөөдөр тамирчдаас хулгай хийгээд байна" гэлээ.