Өчигдөр /2021.11.23/ Сүхбаатар дүүргийн наймдугаар хороонд байрлах Тусгаар тогтнолын ордонд гал гарсан гэх мэдээлэл бий. Олон нийтийн дунд тус гал гарсан өрөөг МАН-ын байр гэж ойлгож байсан. Тэгвэл “Тусгаар тогтнолын ордон”-ы гал гарсан хэсэг нь МАН-ын байр бус зоорийн давхарт үйл ажиллагаа явуулдаг “Оргил” худалдааны төвийн хог шатаж байсан гэж ОБЕГ-аас мэдээллээ.
Дуудлагын дагуу Онцгой байдлын газрын алба хаагчид очиж унтраасан байна.
