Өнгөрөгч аравдугаар сард зохион байгуулагдсан УИХ-ын нөхөн сонгуулиар Хэнтий аймгийн Засаг даргаар ажиллаж байсан Ц.Идэрбат ялалт байгуулж, УИХ-ын гишүүнээр сонгогдон ажиллаж эхлээд буй. Тэгвэл Хэнтий аймгийн Засаг даргаар Ц.Чогсомжавыг томилжээ. Өчигдөр буюу 11 дүгээр сарын 3-нд УИХ-ын гишүүн Ц.Идэрбат түүнд тамгыг нь албан ёсоор гардуулан өгсөн байна.

Ташрамд дурьдахад, шинээр томилогдсон Засаг дарга Ц.Чогсомжав нь тус аймгийн 31, 32 дахь Засаг дарга нарын орлогчоор ажиллаж байсан туршлагатай нэгэн аж.