Ардчилсан намаас мэдээлэл хийж байна.
УИХ-ын гишүүн асан О.Баасанхүү "2020 оны долдугаар сард АН-ын дарга С.Эрдэнийн тушаалаар Ц.Туваанд үүрэгжүүлэн намын даргыг солих үүрэг чиглэл өгсөн. Харамсалтай нь үүрэг чиглэлийг биелүүлэлгүй намын дүрэм өөрчлөх үйлдэл хийсэн учраас наймдугаар сарын 20-нд АН-ын гишүүн Ц.Тувааныг дөрвөн жилээр намын гишүүнчлэлийг түдгэлзүүлсэн. Тухайн үед хууль, шүүхийн асуудал явж байсан учраас шууд олон нийтэд хандан УИХ дахь АН-ын бүлэгт мэдээлэл хийж чадаагүй.
АН-ын дарга С.Эрдэнэ "Бие даагч Н.Алтанхуяг, МАХН-аас нэр дэвшсэн С.Ганбаатарын УИХ дахь АН-ын бүлэгт орж байгаа гэх асуудал яригдсан. Энэ бол УИХ-ын тухай хуулиараа хориотой. Тиймээс энэ хоёр хүн УИХ дахь АН-ын бүлгийн гишүүдийн тоог нэмэх боломжгүй. УИХ-ын гишүүн Б.Бейсен, Ж.Батсуурь нарын АН-аас хөөх асуудлыг хэлэлцэнэ. Үндсэн дүрмийн хорооны шийдвэр гарсан. Ерөнхийлөгчийн сонгуульд АН-аас нэр дэвшиж ялалт байгуулсан хүний урт гар өнөөдрийг хүртэл татагдаагүй, АН-ын хоёр дахь бүлгийг тараах хэмжээнд улс төрийн хорлонтой үйл ажиллагаа явуулж байна" гэв.
