Гаалын Ерөнхий газраас мэдээлэл хийлээ. Тодруулбал, "Гар утастай холбоотой 53 зөрчил бүртгэгдсэн. Энэ зөрчлүүдээс гаалын болон бусад төлбөр төлөхөөс зайлсхийсэн үйлдэл 45 байна. Тиймээс 61 сая гаруй төгрөгийн торгууль ногдуулж, 199.8 сая төгрөгийн татвар хураамжийг нөхөн төлүүлсэн.
Нэр бүхий хуулийн этгээд БНХАУ-аас импортоор оруулж байгаа гар утсаа гаальд мэдүүлэхдээ гар утасны сэлбэг, дагалдах хэрэгсэл гэж тус тусад нь салган мэдүүлж, нийт 175.9 сая төгрөгийн татвараас зайлсхийсэн нь урьдчилсан байдлаар тогтоогдсон тул зөрчлийн хэрэг бүртгэл нээж, прокурорын байгууллагын хяналт дор шалгаж байна" гэлээ.
