Монголын Үндэсний морин уралдаан, Уяачдын холбооны уяачдын зөвлөлийн өргөтгөсөн хуралдаан болж өндөрлөлөө. Хуралд 21 аймгаас ирсэн 90 гаруй уяачдын төлөөлөл оролцсон бөгөөд МУТМУ Ц.Дуламсүрэнг тус холбооны ерөнхийлөгчийн үүрэг гүйцэтгэгчээр сонгон ажиллуулахаар боллоо.
Энэ үеэр МҮМУУХ-ны ерөнхийлөгч, “Монгол адуу” нийгэмлэгийг үүсгэн байгуулагч, Ардын их хурлын дарга асан Ж.Гомбожав ийнхүү ажлаа хүлээлгэн өгч тус холбооны хүндэт ерөнхийлөгчөөр батлагдан үлдлээ.
