Энэ мэдээ хуучирсан буюу 2021/06/18-нд нийтлэгдсэн мэдээ болно.

С.Энхболд: Шагнал урамшуулал, Сүхбаатарын талбай дээрх бөөгнөрөлөөс болж халдварын тоо нэмэгдсэн

Ангилал
Улс төр Нийгэм
Хэзээ
2021/06/18
Унших
1 минут 56 секунд
QR кодыг уншуулж мэдээг утсаараа унших боломжтой.

Эрүүл мэндийн яамны ээлжит мэдээлэлд Эрүүл мэндийн сайд С.Энхболд оролцож, асуултад хариуллаа.

-Халдварын тоо 2700 гарчихлаа. Огцом нэмэгдчихлээ шүү дээ?

-Халдварын тоо сүүлийн 3,4 хоногт огцом нэмэгдсэн. Мөн эмнэлгийн орны ачаалал нэмэгдээд байна. Орны хүлээгдэл үүсч, нөхцөл байдал хүнд байна. Халдварын тохиолдол өсч байгаа нь олон шалтгаантай. Үүний нэг нь цэвэр иргэдийн хөдөлгөөнтэй шууд хамааралтай. Тавдугаар сарын 22-нд хөдөө орон нутгийн зам нээсэнтэй холбогдуулан иргэдийн хөдөлгөөн нэмэгдэж, халдварын тоо нэмэгдсэн. Мөн шагнал урамшуулал, Сүхбаатарын талбайн бөөгнөрөл ч нөлөөлсөн. Түүнчлэн вирусийн хувирал, мутацилагдсан хэлбэр байхыг үгүйсгэхгүй. Олон зүйл нөлөөлж байна.

-Зургаадугаар сарын 15-нд халдварын тоо буурна гэж та бүхэн тооцоолсон. Гэтэл энэ тоо бүр нэмэгдчихлээ. Ямар тооцоо судалгаагаар ийм тооцоолол гаргасан бэ?

-УОК-ын дэргэдэх эрдэмтдийн зөвлөл, эрүүл мэндийн мэргэжилтнүүд, мэргэжлийн байгууллагууд хамтарч тооцоо судалгаа гаргадаг. Ялангуяа математик тооцоолол гаргадаг эрдэмтэд тухайн үеийн нөхцөл байдал, халдварын тохиолдол, хүн амын вакцинжуулалт гээд олон зүйлийг нэгтгэж тооцоолол гаргадаг. Энэ тооцооллыг хийхэд зургаадугаар сарын 15-наас хойш халдварын тоо буурна гэсэн тооцоолол байсан. Гэвч механик хүчин зүйл, хөл хөдөлгөөн ингэж нэмэгдэнэ гэж тооцоолоогүй. Халдварт өвчин бол цэвэр хөдөлгөөнтэй шууд холбоотой. Өнгөрсөн 14 хоногийн хугацаанд Сүхбаатарын талбай дээр ямар их бөөгнөрөл үүсэв. Маш олон хүчин зүйл нөлөөлж, тохиолдлын тоо нэмэгдлээ.

Энэ мэдээ хуучирсан буюу 2021/06/18-нд нийтлэгдсэн мэдээ болно.