Монгол улсад орчин цагийн цагдаагийн байгууллага үүсч хөгжсөний түүхт 100 жилийн ойд зориулсан "Хавтаст хэрэг” олон ангит кино өнгөрсөн 2022 онд үзэгчдийн хүртээл болсон. Энэ бүтээлд цагдаагийн албаны ажил үүргийн онцлог, тэдний эр зоригийн тухай өгүүлдэг бөгөөд “Хүлэгү пикчерс” болон “Номадиа пикчерс” хамтран бүтээсэн юм.

Шударга ёсыг тогтоож, ард иргэдийн амгалан тайван амьдралын нөхцөлийг бүрдүүлж өгдөг мөрдөгчдийн өдөр тутмын ажил, амьдралыг тодотгосон тус киноны хоёрдугаар бүлэг хийгдэхээр дүрийн сонгон шалгаруулалтаа зарласан байна.