Энэ мэдээ хуучирсан буюу 2022/09/25-нд нийтлэгдсэн мэдээ болно.

ЦЕГ: Монгол иргэний тархийг хагалсан Орос иргэнийг саатуулан шалгаж байна

Ангилал
 Хууль эрх зүй
Огноо
Унших
2 минут 0 секунд

ОХУ-аас манай улс руу орж ирэх хүмүүсийн тоо эрчимтэйгээр нэмэгдэж байгаа. Тэгвэл өнгөрсөн шөнө буюу есдүгээр сарын 24-25-ныг шилжих шөнө ОХУ-ын иргэн нийлж, Монгол эрэгтэйн толгойг алхаар цохин хүнд гэмтээсэн талаар бид мэдээлсэн.

Энэ талаар ЦЕГ-аас тодруулахад "2022 оны 09-р сарын 25-ны 00:30 цагт БГД-ийн ... дугаар тоотод "Нэг орос хүн цагдаа, түргэн дуудаад өгөөч гээд байна" гэх дуудлагыг шалгахад "Оросын холбооны улсын иргэн “Д” 2022 оны 09 дүгээр сарын 22-23-ны өдөр Монгол Улсын хилээр нэвтэрсэн. Хил дээр танилцсан Монгол Улсын иргэн “А”-н гэрт түрээс төлж амьдрахаар 2022.09.24-ний өглөө 09.00 цагт ирсэн байна. Энэ өдөр “А”, “Д” нар нь тус байрны тоотод оршин суух “Г”-ийн гэрт орж хамт согтууруулах ундааны зүйл хэрэглэсэн бөгөөд улмаар Монгол Улсын иргэн “Г”, ОХУ иргэн “Д” нар муудалцаж “Д” нь иргэн “Г”-ын толгойн дагзан тус газар алхаар гэмтэл учруулсан хэргийг БГД-ийн ЦГ үргэлжлүүлэн шалгаж байна" гэсэн.

Харин тухайн хэрэг үйлдсэн этгээдийг цагдаагийн байгууллагаас саатуулаагүй, мөрдөн шалгах ажиллагааг эхлүүлэхийн тулд Монгол дахь ОХУ-ын ЭСЯ-наас зөвшөөрөл авна гэх мэдээлэл цацагдаад буй.

Энэ талаар ЦЕГ-аас тодруулахад "Иргэн Д нь ямар нэгэн дипломат эрх ямбагүй хүн. Тиймээс ОХУ-ын ЭСЯ-наас зөвшөөрөл авч байж шалгана гэдэг худал мэдээлэл. Түүнийг ШШГЕГ-ын харьяа цагдан хорих 461 дүгээр ангид саатуулсан" хэмээлээ.

Маргааш нийслэл хотод хур тунадас орохгүй, 21 хэмийн дулаан
Маргааш нийслэл хотод хур тунадас орохгүй, 21 хэмийн дулаан
 
ГХ-ны сайд Б.Батцэцэг Дэлхийн эмэгтэйчүүдийн чуулганд оролцож, эмэгтэйчүүдийн манлайллын асуудлыг хөндлөө
ГХ-ны сайд Б.Батцэцэг Дэлхийн эмэгтэйчүүдийн чуулганд оролцож, эмэгтэйчүүдийн манлайллын асуудлыг хөндлөө
Энэ мэдээ хуучирсан буюу 2022/09/25-нд нийтлэгдсэн мэдээ болно.