“Төсвийн мөнгөөр цалинжиж байж энэ ёс зүйгүй авираа татмаар байна“

УИХ-ын чуулганы хуралдаан үргэлжилж байна. Хуралдаанаар Монгол Улсын Ерөнхийлөгчийн 2024 оны 11 дүгээр сарын 19-ний өдрийн хоригийг хүлээн авсантай холбогдуулан хууль, тогтоолын төслийг хэлэлцэх дэгийг хэлэлцэж байна. Энэ үеэр УИХ-ын гишүүн Л.Мөнхбаясгалан "УИХ-ын гишүүд хуралдаа ирэхгүй байна. Үүнд ямар хариуцлага тооцдог вэ, Д.Амарбаясгалан дарга аа. Төсвийн мөнгөөр цалинжиж байж энэ ёс зүйгүй авираа татмаар байна" гэв.

Түүний тодруулгад УИХ-ын дарга Д.Амарбаясгалан "Цалин хасна даа. Бүртгүүлчихээд гараад явчихдаг гишүүд бий. Тиймээс байнгын “жижүүрлэж” суудаг гишүүдээ урамшуулдаг болмоор байна" гэлээ.