М.Санжаадорж: Хоёр жил дараалан алдагдалтай ажилласан ТӨК-ийг татан буулгах асуудлыг ярих хэрэгтэй

Төсвийн байнгын хороо, Эдийн засгийн байнгын хорооны хамтарсан хуралдаан боллоо. Хуралдаанаар Монгол Улсын нэгдсэн төсвийн 2027 оны төсвийн хүрээний мэдэгдэл, 2028-2029 оны төсвийн төсөөллийн тухай хуульд өөрчлөлт оруулах тухай хуулийн төсөлтэй хамт өргөн мэдүүлсэн Төсвийн тогтвортой байдлын тухай хуульд нэмэлт оруулах тухай хуулийн төсөл /Засгийн газар 2026.08.31-ний өдөр өргөн мэдүүлсэн, анхны хэлэлцүүлэг/ хийлээ. Энэ үеэр Сангийн яамны ТНБД М.Санжаадорж "Хоёр жил дараалан алдагдалтай ажилласан ТӨК-ийг татан буулгах асуудлыг ярих хэрэгтэй. Ирээдүйн өв санд 7 их наяд гаруй, Хуримтлалын санд 1.3 их наяд төгрөг хуримтлагдаад байна" гэлээ.