Б.Жаргалан: УИХ яагаад Засгийн газрын техник ажлыг хийдэг хуулийн хэлтэс шиг ажиллах ёстой юм бэ

Төсвийн байнгын хороо, Эдийн засгийн байнгын хорооны хамтарсан хуралдаан боллоо. Хуралдаанаар Монгол Улсын нэгдсэн төсвийн 2027 оны төсвийн хүрээний мэдэгдэл, 2028-2029 оны төсвийн төсөөллийн тухай хуульд өөрчлөлт оруулах тухай хуулийн төсөлтэй хамт өргөн мэдүүлсэн Төсвийн тогтвортой байдлын тухай хуульд нэмэлт оруулах тухай хуулийн төсөл /Засгийн газар 2026.08.31-ний өдөр өргөн мэдүүлсэн, анхны хэлэлцүүлэг/ хийлээ. Энэ үеэр УИХ-ын гишүүн Б.Жаргалан "УИХ яагаад Засгийн газрын техник ажлыг хийдэг хуулийн хэлтэс шиг ажиллах ёстой юм бэ. Ажлаа төлөвлөөд УИХ-д давхар, давхар ажил удахгүй байж болдоггүй юм уу. ЗГ ОТ-н ногдол ашгийн зарцуулалттай холбоотой саналаа буцаан татсан хэр нь хавсралт дээр нөгөө 52 төсөл чинь хэвээр байна. Энэ техник ажлаа яагаад УИХ-аар хийлгэх гээд байгаа юм бэ" гэв.