ХУАНЛИ: Дөрөвдүгээр сард УИХ-ын сонгуультай холбоотой товлогдсон ажлууд
2020 оны дөрөвдүгээр сард УИХ-ын ээлжит сонгуультай холбоотой авч хэрэгжүүлэх ажлуудыг товлогдсон хугацааны хамт танилцуулж байна.
Эдгээр өдрүүдийг холбогдох хууль, журамд зүйлчилсэн болохыг анхаарна уу.
Дөрөвдүгээр сарын 01-ны өдрөөс эхлэн Сонгогчдын нэрийн жагсаалтыг цахим хуудсанд байршуулна.
Дөрөвдүгээр сарын 05-ны дотор нам, эвсэл болон бие даан нэр дэвшигч нь хандивын тайландаа дүгнэлт гаргуулахаар төрийн аудитын дээд байгууллагад хүргүүлнэ.
Дөрөвдүгээр сарын 15-наас өмнө аймаг, нийслэлийн сонгуулийн хороог долоо гишүүний бүрэлдэхүүнтэй байгуулж, нийтэд мэдээлнэ.
Дөрөвдүгээр сарын 25-наас өмнө нам, эвслүүд, бие даан нэр дэвшигчид сонгуульд оролцох албан ёсны хүсэлтээ СЕХ-нд хүргүүлнэ.
Дөрөвдүгээр сарын 25-наас өмнө бие даан нэр дэвшигчид сонгуулийн мөрийн хөтөлбөртөө дүгнэлт гаргуулахаар төрийн аудитын дээд байгууллагад хүргүүлнэ.
Дөрөвдүгээр сарын 25-наас өмнө төрийн аудитын дээд байгууллага нь нам, эвслийн мөрийн хөтөлбөр хуульд заасан шаардлагад нийцэж байгаа эсэх дүгнэлтийг СЕХ-нд ирүүлнэ.
Дөрөвдүгээр сарын 25-наас өмнө ухуулах хуудас байршуулах байршлыг тогтоож, нийтэд мэдээлнэ.
Дөрөвдүгээр сарын 25-наас өмнө аймаг, нийслэлийн сонгуулийн хороо нь сум, дүүргийн сонгуулийн хороог 3-5 гишүүнийн бүрэлдэхүүнтэй байгуулж, нийтэд мэдээлнэ.
Дөрөвдүгээр сарын 29-нөөс өмнө СЕХ нам, эвслийг бүртгэх эсэх тухай шийдвэр гаргана.
Тавдугаар сарын 01-нээс өмнө эрх бүхий байгууллагууд СЕХ-нд сонгуулийн насны иргэдийн цаасан болон цахим хэлбэрээр хүргүүлнэ.
