ЗӨСҮТ: ОХУ-д хуруу шил хагалсан ажилтан вирус авч нас барсан гэх мэдээлэл бүртгэгдээгүйг ОХУ-ын талаас ҮГҮЙСГЭСЭН

Сошиал орчинд "ОХУ-ын Иркутск мужид 28 настай, Тахлын вирус судлалын лабораторийн ажилтан эмэгтэй аюулт тахлын нянтай хуруу шил хагалснаа нуусан байна. Өөрөө тэрнээсээ халдвар авч өвчлөн эмнэлэгт 3 хоноод 10.02-нд нас баржээ. Халдварыг уушигны тахал гэж үзэж байгаа ба, одоогоор 1,2-р хавьталтай 200 орчим хүнийг 5 эмнэлэгт тусгаарласан байгаа юм байна шүү" гэх мэдээлэл гараад байгаа юм.

Уг мэдээлэлтэй холбогдуулан Зоонозын өвчин судлалын үндэсний төвөөс /ЗӨСҮТ/ тус хүрээлэнд хандан, үйл явдлын талаар албан ёсны мэдээлэл хүссэн байна. Үүний дагуу ОХУ-ын Хэрэглэгчийн эрхийг хамгаалах, хүний сайн сайхан байдлын хяналтын холбооны албанаас холбогдох хяналт, шалгалтын дүнг ирүүлж, тарваган тахлын сэжигтэй тохиолдол батлагдаагүй болохыг мэдээллээ.

ОХУ-ын РИА Новости мэдээллийн агентлагийн 2026 оны 10 дугаар сарын 4-ний өдрийн мэдээлэлд дурдсанаар, Эрхүү хот дахь тус хүрээлэнд тарваган тахлын үүсгэгч бичил биетэнтэй ажиллах явцад осол, зөрчил гараагүй бөгөөд лаборантын өвчлөл нь эрхэлж байсан ажилтай нь холбоотой болохыг тогтоогоогүй байна. Мөн өвчтөнөөс тарваган тахлын үүсгэгч болон бусад эмгэг төрүүлэгч бичил биетэн илрээгүй бөгөөд түүнд “Шалтгаан тодорхойгүй уушгины хатгалгаа” гэсэн онош тавьжээ.

Түүнчлэн Эрхүү болон Шелехов хотыг хамарсан бүс нутгийн эрүүл ахуй, халдвар судлалын нөхцөл байдал тайван байгаа бөгөөд биоаюулгүй ажиллагааны шаардлагын хэрэгжилтэд хяналт тавьсан комиссын дүгнэлтээр эмгэг төрүүлэгч бичил биетэнтэй ажиллах явцад ямар нэгэн осол, зөрчил гараагүй болохыг тогтоосон байна.