Ц.Элбэгдорж, Б.Хурц нар МАНАН бүлэглэлээ “амилуулах” нь

Ардчилсан намынхны эвлэрлийн уулзалтыг Ц.Элбэгдорж, Б. Хурц нар манлайлан зохион байгуулжээ. Гэтэл тус уулзалт нь эвлэрлийн уулзалт байгаагүй нь төд удалгүй мэдэгдэв. Саяхан С.Эрдэнэ тэргүүтэй АН-ынхан Үндэсний бодлогын хорооны хурлаа тусдаа хийж, хуралд нь Ц.Элбэгдорж очиж баахан “цэцэрхэв”. МАНАН-ын гол хүмүүс гэгдэх Ц.Элбэгдорж, Б. Хурц нар сүүлийн үед ийнхүү амилсан нь тохиолдлынх бус. Тэд сөрөг хүчин Ардчилсан намыг авахаар санаархаж байгаа гэж яригдах болов. Үүнээс гадна тэд МАНАН бүлэглэлийн үйл ажиллагаагаа сэргээхээр зэхэж буй аж. Улстөр бизнес, хууль шүүхийн байгууллага дамнасан МАНАН бүлэглэл одоо ч амь бөхтэй оршсоор байгаа билээ. Улс орон эдийн засгийн хүндрэлтэй, дэлхий дахинд геополитикийн асуудал үүссэн тогтворгүй үед Ц.Элбэгдорж, Б.Хурц нар МАНАН бүлэглэлээ амилуулах нь хэнд ашигтай вэ. Лав тэд ард түмнээ бодож байгаа хэрэг бус. Өөрсдийн явцуу эрх ашгаа гүйцэлдүүлэхээр санаархаж байгаа бололтой.