МҮИС Зайсангийн аманд 23.25 га газрыг эзэмшиж байна

Монгол Засгийн газраас 2023 оныг “Авлигатай тэмцэх жил” болгон зарлаж, Ерөнхий сайд Л.Оюун-Эрдэнийн санаачилсан тогтоолын төслийг батлан, “5Ш” ажиллагааг явуулна гэдгээ албан ёсоор зарласан. Үүний нэг болох Шилэн ажиллагааны хүрээнд тусгай зөвшөөрөл эзэмшигчдийн мэдээллийг нийтэд ил болгож эхлээд буй. Өнөөдөр л гэхэд ЦХХХ-ны сайд Н.Учрал мэдээлэл хийж, Богдхан уулын 2973 га болон Хөвсгөлийн байгалийн цогцолборын 501 га газрын мэдээллийг ил тод болгож байгааг мэдэгдсэн. Тэгвэл https://shilen.gov.mn/ сайтаас харахад, МҮИС Богдхан уулын дархан цаазат газрын Зайсангийн аманд 23.25 га газрыг эзэмшиж байна. Тодруулбал, газрын зөвшөөрлийн 2016 онд 0.41 га, 2021 онд 22.84 га газрын зөвшөөрлийг олгож байжээ.