Б.Жавхлан: Дэмжигдээгүй дэгээ дахиад хэлэлцэх боломж байгаа шүү дээ. ЗГ бүх “гал”-аа аваад, хариуцлагаа хүлээе

УИХ-ын чуулганы хуралдаанаар байнгын хороодоос орж ирсэн Монгол Улсын Ерөнхийлөгчийн 2024 оны 11 дүгээр сарын 19-ний өдрийн хоригийг хүлээн авсантай холбогдуулан хууль, тогтоолын төслийг хэлэлцэх дэгийг дахин хэлэлцэж байна.

Үүнтэй холбоотойгоор Сангийн сайд Б.Жавхлан "Дэмжигдээгүй дэгээ дахиад хэлэлцэх боломж бидэнд байгаа шүү дээ, дарга аа. Засгийн газар бүх “гал”-аваад, хариуцлагаа хүлээе" гэх байр суурийг илэрхийлсэн юм. Түүний байр суурьтай холбоотойгоор УИХ-ын дарга Д.Амарбаясгалан "Энэ асуудал чинь хэрээс хэтэрч байна. Өнгөрсөн борооны хойноос цув нөмөрнө гэгчээр бүх зүйл болоод өнгөрсний дараа ийм юм яриад сууж байх болохгүй" хэмээн шүүмжлэлтэй хандаж буйгаа илэрхийллээ.