УИХ-ын гишүүн асан Н.Оюундарийг Польш Улсад суух Элчин сайдаар томилох эсэх асуудлыг УИХ энэ долоо хоногт хэлэлцэнэ
Өнгөрөгч 12 дугаар сарын 26-нд Элчин сайдыг томилох асуудлаар зөвшилцөх тухай тогтоолын төслийг Засгийн газраас УИХ-д өргөн барьсан байдаг. Тодруулбал, Монгол Улсаас Бүгд Найрамдах Польш Улсад суух Онц бөгөөд Бүрэн эрхт Элчин сайдаар Наваан-Юндэнгийн Оюундарийг томилуулах саналыг дурдсан бөгөөд эл саналыг Ерөнхийлөгч У.Хүрэлсүх ч мөн дэмжсэн байдаг.
Тэгвэл Элчин сайдыг томилох асуудлаар зөвшилцөх тухай /Монгол Улсын Ерөнхийлөгч 2024.12.26-ны өдөр өргөн мэдүүлсэн, зөвшилцөх/ асуудлыг энэ долоо хоногийн УИХ-ын чуулганаар хэлэлцэнэ.
Н.Оюундарийн хувьд 2016-2020 онд УИХ-ын гишүүнээр ажиллаж байсан билээ. Түүний хувьд:
ТӨГССӨН СУРГУУЛЬ, МЭРГЭЖИЛ
1995 онд
Сэрүүлэг дээд сургууль, бизнесийн удирдлага, бакалавр
1998 онд
Ниделандын Вант Улсын Маастрихтын их сургууль, бизнесийн удирдлага, эдийн засагч магистр
АЖИЛЛАСАН БАЙДАЛ
1995-1996 онд
Монголын Үндэсний бүтээмжийн төвд зөвлөх
1996-1997 онд
Монголын бизнесийн хөгжлийн агентлаг Европын холбооны ТАСИС хөтөлбөр зөвлөх
1997-1998 онд
Нэгдсэн Үндэстний байгууллагын Үйлдвэрийн газрын өөрчлөн байгуулалтын төсөлд зөвлөх
1999-2000 онд
Дэлхийн банк, Жижиг, дунд үйлдвэрийг дэмжих төсөлд зөвлөх
2000-2004 онд
Байгаль орчны яамны Гадаад харилцааны хэлтсийн дарга
2004-2006 онд
Байгаль орчинны яамны Стратеги төлөвлөлт, бодлого зохицуулалтын газрын дарга
2006-2007 онд
НҮБ-ын Байгаль орчны хөтөлбөр Дундад Азийг хариусан зөвлөх
2008-2012 онд
Нийслэлийн Иргэдийн төлөөлөгчдийн Хурлын төлөөлөгч
2008-2010 онд
БНХАУ-ын Бээжин хот дахь Улаанбаатар хотын төлөөлөгч
2010-2014 онд
“Бльюмон” групп ХХК зөвлөх
2014-2015 онд
Гадаад хэргийн яамны дэд сайд
2015-2016 онд
“Бльюмон” групп ХХК зөвлөх
2016-2020
Монгол Улсын Их Хурлын гишүүн
