ШУУРХАЙ: Ерөнхий сайдын өрөөнд УИХ-ын дарга Д.Амарбаясгалан, МАН-ын бүлгийн дарга Л.Мөнхбаатар, ЕТГ-ын дарга Г.Занданшатар, Шадар сайд С.Амарсайхан нар уулзаж байна

Яг одоо Ерөнхий сайдын өрөөнд УИХ-ын дарга Д.Амарбаясгалан, Ерөнхий сайд Л.Оюун-Эрдэнэ, Шадар сайд С.Амарсайхан, Ерөнхийлөгчийн Тамгын газрын дарга Г.Занданшатар, УИХ дахь МАН-ын бүлгийн дарга Л.Мөнхбаатар нар уулзаж байгаа аж.

Ямар асуудлаар уулзаж буй нь тодорхойгүй бөгөөд эх сурвалжийн мэдээлж буйгаар цаг үеийн асуудлаар буюу Ерөнхий сайдын хүүтэй холбоотой нийгэмд үүссэн бухимдал, жагсаал цуглаантай холбоотой асуудлаар гэнэ.

Мөн эх сурвалжийн мэдээлж буйгаар, Ерөнхий сайд уг уулзалтын дараагаар үргэлжлүүлэн МАН-ын бүлгийн хаалттай хуралд оролцох аж.