Энэ оны наймдугаар сард Монгол Улсад Цөлжилттэй тэмцэх тухай НҮБ-ын конвенцын талуудын 17 дугаар бага хурал (COP17) болно. Ерөнхий сайд Н.Учрал Цөлжилттэй тэмцэх тухай НҮБ-ын Конвенцын гүйцэтгэх нарийн бичгийн дарга Ясмин Фуадтай уулзав.
Ерөнхий сайдын зүгээс "Цөлжилт нь манай улсын иргэн бүрийн амьдрах орчны асуудал болсон. Тийм учраас Монгол Улсын Засгийн газар Ногоон хөгжлийг тэргүүлэх чиглэл болгон зарлана. Уур амьсгалын өөрчлөлтийн хуулийг УИХ-д өргөн мэдүүлнэ. Ногоон хөгжлийн бодлогоо дэлхийд сурталчилж, хөрөнгө оруулалт татах, гарц нээх ажлууд хийнэ. Дэд бүтэц, төсөл хөтөлбөрүүдээ эрчимжүүлнэ" гэлээ.
