Д.Мөнх-Эрдэнэ: Бортээгийнхэн, нүүрсчид "том" байна. ХЗДХ-ийн салбарт хүмүүсээ шургуулсан

Ерөнхий сайд асан Г.Занданшатарын өмгөөлөгч нар УИХ-ын гишүүн Д.Амарбаясгалан, С.Амарсайхан, Х.Булгантуяа, Э.Болормаа, П.Сайнзориг нарыг Г.Занданшатарын нэр хүндэд халдсан үндэслэлээр АТГ-т шалгуулахаар өгсөн.

Дээрх асуудалд УИХ-ын гишүүн Д.Амарбаясгалан "Уйдсандаа ийм зүйл хийсэн байх. Ажлаа хийж чадахгүй байсан Ерөнхий сайдыг огцруулсан" гэж тайлбарласан бол үүнийн хариуд ХЗДХ-ийн дэд сайд Д.Мөнх-Эрдэнэ "Бортээгийнхэн, нүүрсчид том байна даа. Авлигатай тэмцэж байсан сайд нарыг огцруулчихсан, ХЗДХ-ийн салбарт хүмүүсээ шургуулчихсан, дуу нь чангараад л… Новшнууд аа, Монголын ард түмэн авлигачидтай тооцоо бодох цаг ойртож байна" гэжээ.