“Бузрыг чинь арилгана“ хэмээн эмэгтэйчүүдийг хүчинддэг байсан гэх ламын хэргийг ЭЦА шалгаж байна

Нэр бүхий хийдийн Тэргүүн лам "Бузрыг чинь арилгана" хэмээн эмэгтэйчүүдийг хүчинддэг байсан гэх мэдээлэл өнгөрөгч долоо хоногт олон нийтийн цахим сүлжээнд тавигдсан. Ингэхдээ нэгэн эмэгтэй гэртээ ламын эл үйлдлийг камер тавьж баримтжуулж авсан гэх мэдээлэл гарсан юм.

Тэгвэл эл хэргийн талаар ЦЕГ-ын Хэвлэл, мэдээллийн төвөөс тодруулахад "Эрүүгийн цагдаагийн албанаас мөрдөн шалгах ажиллагааг явуулж байгаа" гэлээ.