ГССҮТ: Шинийн 3-нд яаралтай тусламжийн тасгаар 346 хүн үйлчлүүлж, 8 яаралтай мэс засал хийжээ

Энэ оны хоёрдугаар сарын 23 буюу шинийн 3-нд Гэмтэл согог судлалын үндэсний төвийн хүлээн авах яаралтай тусламжийн тасгаар 346 хүн үйлчлүүлжээ. Үүнээс 260 нь нийслэл, 86 нь орон нутгаас ирсэн иргэд үйлчилгээ авчээ. Түүнчлэн мөн өдрийн байдлаар тус эмнэлэгт 330 хүн хэвтэн эмчлүүлж буй бөгөөд 19 хүн эрчимт эмчилгээнд байна. Мөн 8 удаагийн яаралтай мэс засал хийжээ.