ХОВД АЙМАГ: Томуугийн тархалттай холбогдуулан сургууль, цэцэрлэгийн үйл ажиллагааг ирэх даваа гарагаас зогсоохоор болжээ

Томуу, томуу төст өвчний тархалттай холбоотойгоор Ховд аймагт Засаг даргын захирамж гарчээ. Тодруулбал аймгийн хэмжээнд томуу, томуу төст өвчний халдварын тархалт нэмэгдэж, “Аймгийн хэмжээний дэгдэлт”-ийн түвшинд хүрсэнтэй холбогдуулан Засаг даргын 2025 оны 01 дүгээр сарын 03-ны өдрийн А/04 дүгээр захирамж гарсан байна.

Иймд цэцэрлэг, хүүхдийн сургалтын байгууллага, өдөр өнжүүлэх төвүүдийн үйл ажиллагааг нэгдүгээр сарын 06-17-ныг хүртэл түр хугацаагаар хязгаарлахаар болжээ.