Л.Гантөмөр: Эрчим хүчний төслүүдийг юунаас болж дампууруулсныг Б.Чойжилсүрэн мэдэж байгаа
УИХ-ын Эдийн засгийн байнгын хороогоор Монгол Улсын хөгжлийн урт, дунд, богино хугацааны бодлого, төлөвлөлт болон тэргүүлэх ач холбогдол бүхий хөгжлийн төсөл, хөтөлбөр, тэдгээрийн хөрөнгө оруулалт, хэрэгжилт, гадаадын шууд хөрөнгө оруулалт, төр, хувийн хэвшлийн түншлэлийг дэмжих чиглэлээр авч хэрэгжүүлсэн арга хэмжээний талаарх Тэргүүн Шадар сайд бөгөөд Эдийн засаг, хөгжлийн сайдын мэдээллийг сонсов.
Энэ үеэр сайд Л.Гантөмөр "Эрчим хүчний төслүүдийг юунаас болж дампууруулсныг Б.Чойжилсүрэн мэдэж байгаа. Төслүүдийг ажил хэрэг болгох чиглэлийг ч Б.Чойжилсүрэнд өгсөн.
Бид Эрдэнэбүрэнгийн УЦС-ыг 10 жил ярьсан. Хятадын ЗГ мөнгийг нь өгөхөө больчихсон байсныг Шанхайд Ерөнхий сайдтай хамт очиж байж улс төрийн шийдвэрт хүрсэн. Үүнийг АЖИЛ ХИЙСЭН гэхгүй юм уу. 8 жил хөдлөөгүй эрчим хүчний үнээ ХАРААЛГАСААР БАЙГААД нэмлээ. Энэ алхам биш юм уу" гэлээ.
