“Намайг дулааны үнийг 2 дахин нэмэх гэж байна гээд АРДЫН ДАЙСАН МЭТЭЭР ЦОЛЛОХ БИЗ. Гэхдээ энэ өөрчлөлтийг хийх ёстой“

Аж үйлдвэржилтийн бодлогын байнгын хорооны хуралдаан үргэлжилж байна. Хуралдаанаар Дулааны цахилгаан станц, сэргээгдэх эрчим хүчний төслүүдийн хэрэгжилт, салбарын үнийн өсөлтийн талаарх Эрчим хүчний сайдын мэдээллийг сонсож байна. Энэ үеэр Эрчим хүчний сайд Б.Чойжилсүрэн "Дулааны үнийг 2 дахин нэмэх гэж байна гээд НАМАЙГ АРД ТҮМЭНДЭЭ ХАЙРГҮЙ, АРДЫН ДАЙСАН МЭТЭЭР ЦОЛЛОХ БИЗ. Гэхдээ Зайсанд амьдарч байгаа амьдралын бололцоотой хүний дулааны төлбөрийг сумын төв дээр байгаа жирийн иргэн хөндлөн татаасаар төлж байгаа шүү. Энэ өөрчлөлтийг хийхгүй бол цаашид Улаанбаатарт нэг ч орон сууц дулаанд холбогдохгүй" гэв.