“Хувийн хүргэлтийн компани өдөртөө хүргэлтээ хийж байхад Монгол шуудан 48 цаг дотроо багтаж хүргэдэг учир өрсөлдөж чадахгүй байна“

Инновац, цахим бодлогын байнгын хороо хуралдаж, Монгол Шуудан ХК-ийн үйл ажиллагаа, үндэсний хэмжээний шуудан түгээлтийн сүлжээний ашиглалтын талаарх Цахим хөгжил, инновац, харилцаа холбооны сайдын мэдээллийг сонсож байна. Энэ үеэр УИХ-ын гишүүн С.Цэнгүүн "Хувийн хүргэлтийн компани өдөртөө буюу 12 цагтаа багтаж хүргэлт хийж байхад Монгол шуудан 48 цаг дотроо багтаж хүргэдэг учир өрсөлдөж чадахгүй байна. Ер нь Монгол шуудан ХК-ийн 66 хувийг төр эзэмшиж байгаа асуудлыг эргэж харах цаг болсон" гэлээ.