Энэ мэдээ хуучирсан буюу 2025/05/08-нд нийтлэгдсэн мэдээ болно.
ЦЕГ: Нөхөртөө зодуулсан эмэгтэй “Гомдолгүй” гэж мэдүүлсэн тохиолдолд ч шийтгэл оногдуулна
120
Олон нийтийн гудамж, талбайд эхнэрээ онц хэрцгийгээр зодож буй эрэгтэйн бичлэг цахим орчинд цацагдсан байдаг. Цагдаагийн байгууллагаас өгсөн мэдээллээр, дээрх хэрэг нь энэ сарын 4-5-нд шилжих шөнө гарсан бөгөөд БГД-ийн цагдаагийн хоёрдугаар хэлтэст шалгагдаж байгаа юм.
Тэгвэл зарим хэвлэл мэдээллийн хэрэгслээр "Нөхөртөө зодуулсан эмэгтэй ГОМДОЛГҮЙ гэж мэдүүлсэн" гэх мэдээлэл гараад буй. Энэ талаар цагдаагийн байгууллагаас тодруулахад "Мөрдөн шалгах ажиллагаатай холбоотой мэдээлэл байхгүй байна. Гэхдээ гомдолгүй гэж мэдүүлсэн ч хэрэг хаагдаж, хэрэгсэхгүй болохгүй. Үйлдэлд холбогдуулан шалгаж шийтгэл оногдуулдаг" гэлээ.
