П.Наранбаяр: Миний үндсэн цалин сарын 4 сая 40 мянга 840 төгрөг

Цахим орчинд болон зарим хэвлэл мэдээллийн хэрэгслээр өчигдөр /2025.08.18/ "Боловсролын сайд П.Наранбаяр 12.3 сая төгрөгийн цалин авдаг" гэх мэдээлэл цацагдсан. Тэгвэл энэ талаар сайд П.Наранбаяр тайлбар хийж "Миний үндсэн цалин сарын 4'040'840. УИХ-ын тухай хуульд заасны дагуу сайд нар УИХ-ын гишүүний цалинг нэмэлтээр авдаггүй. УИХ-ын тухай хуульд заасанчлан:

42.9. "Гишүүн Засгийн газрын гишүүнээр томилогдвол Засгийн газрын гишүүний цалин хангамжийг авах бөгөөд Улсын Их Хурлын гишүүний үйл ажиллагаатай холбоотой төсөвт туссан бусад зардлыг захиран зарцуулах эрхтэй" гэж заасны дагуу цалин бодогддог" гэлээ.