АТГ: Х.Нямбаатарт Эрүүгийн хэрэг үүсгэж, яллагдагчаар татсан нь үнэн

Нийслэлийн Засаг дарга бөгөөд Улаанбаатар хотын Захирагч асан Х.Нямбаатарыг яллагдагчаар татсан талаар бид өмнө нь мэдээлж байсан. Тодруулбал, "Эрүүгийн хуулийн 22.1 буюу эрх мэдэл, албан тушаалаа урвуулан ашигласан" гэх үндэслэлээр эрүүгийн хэрэг үүсгэн, яллагдагчаар татсан байдаг.

Энэ талаар өнөөдөр АТГ-аас мэдээлэл өгөхдөө "Хотын дарга асан Х.Нямбаатарыг 9-р сарын 25-нд Эрүүгийн хуулийн 22.1.3-т заасан үндэслэлээр хэрэг үүсгэн, яллагдагчаар татсан. УЕП-ын тушаалаар ЦЕГ, АТГ, ТЕГ гэсэн гурван байгууллага хамтран Нийслэлээс хэрэгжүүлж байгаа бүх төсөл хөтөлбөрүүдийг шалгаж байна" гэв.