Л.Энх-Амгалан: MCS групптэй холбох гэж байгаа бол Н.Алтанхуягаас асуугаарай

Хөгжлийн банкнаас зээл авсан чанаргүй зээлдэгч нарын нэгийг УИХ-ын гишүүн Л.Энх-Амгалангийн холбоо хамаарал бүхий байж болзошгүй гэх мэдээлэл бий. Тэгвэл БШУ-ны сайд Л.Энх-Амгалан тус мэдээлэлд дараах тайлбарыг өгчээ.

Тэрбээр "Ардын ..." бүхий пэйж хуудасны ард суугаа хүнд хэлэхэд Ардын үнэн гэдэг нэр чинь хүндэдсэн байна. Хоёрт, Нэр төр гэдэг хүн бүхний эрхэм зүйл учир гүтгэлгийн ард хэн сууж байгааг хуулийн байгууллагаар шалгуулж, тогтоолгоно. Гуравт, тодорхой болсон зээлдэгчдийн нэр дотор ойрын харааны шил таарахгүй байвал томруулдаг шилээр Л.Энх-Амгалан гэж хайхыг зөвлөе. Дөрөвт, М СИ ЭС групптэй холбох гэж байгаа бол Норовын Алтанхуягаас асуугаарай. Иргэдийнхээ өмнө итгэлтэй, айх айдасгүй, гөлөлзөхгүй, хараа дээгүүр цэх алхах гоё шүү дээ" гэжээ.