Б.Энхбаяр: Д.Ганбат гишүүн ээ, тэнэж тэнэж ирчихээд дүгнэлтийг нь ч сонсоогүй байж шинжээчийг буруутгахаа боль

Хөгжлийн банкны сонсгол Төрийн ордонд гурав дахь өдрөө үргэлжилж байна. Сонсголоор "Эрдэнэс Монгол", "Эрдэнэс тавантолгой" компаниудын Хөгжлийн банкнаас авсан зээлийн талаар хэлэлцэх үеэр Хянан шалгах түр хорооны дарга, УИХ-ын гишүүн Б.Энхбаяр сөрөг хүчний төлөөлөл тэр дундаа УИХ-ын гишүүн Д.Ганбатыг сонсголд бүрэн сууж, нотлох баримтын хүрээнд асуулт асуух шаардлагатай хэмээн шүүмжлэв.