Ц.Даваасүрэн: ЭХЯ яагаад 2013 онд ХБ-наас 14.8 сая ам.долларын зээлийг авсныг бүү мэд, би 2017 оноос сайдаар ажилласан

Хөгжлийн банкны сонсгол гурав дахь өдрөө Төрийн ордонд боллоо. Сонсголоор Эрчим хүчний яамны Хөгжлийн банкнаас авсан зээлийн асуудлыг хэлэлцлээ. Тодруулбал, Тавантолгой цахилгаан төслийн бэлтгэл үеийн зардлын санхүүжилт нэртэйгээр 2013 онд Эрчим хүчний яам Хөгжлийн банкнаас 14.8 сая ам.долларын зээлийг авсан байдаг. Үүнтэй холбоотойгоор сонсголд Барилга хот байгуулалтын сайд Ц.Даваасүрэнг гэрчээр дуудаж оролцуулсан юм. Эл зээлийн асуудалд тэрбээр дараах байр суурийг илэрхийллээ.