Энэ мэдээ хуучирсан буюу 2025/09/18-нд нийтлэгдсэн мэдээ болно.
Т.Энхжин Монголын багийн гурав дахь медалийг авчирлаа
00
“Загреб-2025” ДАШТ-ий эмэгтэйчүүдийн 65 кг-ын жинд Азийн АШТ-ий хошой мөнгөн медальт Түвшинжаргалын Энхжин хүрэл медалийн төлөө барилдлаа. Түүний өрсөлдөгч нь ДАШТ-ий мөнгө, хүрэл медальт, Пан Америкийн АШТ-ий хошой аварга АНУ-ын Эллен Килти байв.
Энэхүү барилдаанд Т.Энхжин 4:2-оор илүүрхэж, Монголын багийн гурав дахь медалийн эзэн боллоо. Өмнө нь эрэгтэйчүүдийн 70 кг-д Т.Тулга мөнгө, эмэгтэйчүүдийн 59 кг-д Т.Алтжин хүрэл медаль хүртээд байсан билээ.
