Л.Оюун-Эрдэнийг УИХ дахь Монгол-Малайзын парламентийн бүлгийн даргаар томилжээ

УИХ дахь Монгол-Малайзын парламентын бүлгийн даргаар Л.Оюун-Эрдэнийг томилжээ. Тодруулбал, Монголын Парламентын Бүлгийн Гүйцэтгэх хорооны даргын 2026 оны 5 дугаар сарын 14-ний захирамжаар Улсын Их Хурал дахь Монгол-Малайзын парламентын бүлгийн даргаар УИХ-ын гишүүн Л.Оюун-Эрдэнийг томилсон байна.

Уг томилгоог Монголын Парламентын Бүлгийн дүрмийн 6 дугаар зүйлийн 6.9.4 дэх заалт болон УИХ-ын гишүүн Л.Оюун-Эрдэнийн 2026 оны 5 дугаар сарын 8-ны УИХ-03/5129 дугаар албан бичгийг үндэслэн шийдвэрлэжээ.