Б.Азжаргал: Нийслэлийн удирдлагын ярьсан шиг 74 ширхэг тусгай зөвшөөрөл гэж огт байдаггүй юм

Нийслэлийн Засаг дарга бөгөөд Улаанбаатар хотын Захирагчийн шийдвэрийн хүрээнд энэ оны нэгдүгээр сарын 01-ний өдрөөс ямар нэг зөвшөөрөл авах шаардлагагүй болох чиглэлүүдийг танилцуулсан.

Хууль тогтоомж, стандарт, шаардлагад нийцүүлэн, зөвхөн бүртгүүлсний үндсэн дээр нийслэлийн нутаг дэвсгэрт 74 чиглэлийн үйл ажиллагааг чөлөөтэй эрхлэх нөхцөл, боломжийг нээж байгаа талаар мэдээлж байсан юм. Тэгвэл тусгай зөвшөөрөл шаардагддаг 74 чиглэл гэж байдаггүй талаар Дархан хотын дарга Б.Азжаргал дурдав.

Тэрбээр "Нийслэлийн удирдлагын ярьсан шиг 74 ширхэг тусгай зөвшөөрөл гэж огт байдаггүй юм. Үүнийг иргэд ойлгох хэрэгтэй. Тухайлбал үсчин, цаг засвар ажиллуулахын тулд зөвшөөрөл авдаггүй. Тусгай зөвшөөрөл шаарддаг хэдхэн төрлийн салбарууд байдаг. Үүнд шатах тослох материал ашиглах, тамхи худалдан борлуулах, архи худалдан борлуулах гэх мэтийн 5-10 төрлийн тусгай зөвшөөрөл байдаг" гэв.