Дорнод аймагт гарсан хээрийн түймэрт 600 га талбай шатжээ

Дорнод аймгийн Чойбалсан сумд өчигдөр 15:55 цагийн үед хээрийн түймэр гарч, тус аймгийн Чойбалсан сумын төвд хөдөлгөөн эргүүлийн үүрэг гүйцэтгэж байгаа Дундговь аймгийн Онцгой байдлын газрын алба хаагчид, сумын Мэргэжлийн ангийнхан хээрийн түймрийг унтраах ажиллагааг зохион байгуулжээ. Улмаар албаныхан түймрийг цурамд оруулж, мөн өдрийн 17:45 цагт бүрэн унтрааж, Сүмбэр багийн Засаг даргад хүлээлгэн өгчээ. Урьдчилсан байдлаар хээрийн түймэрт 600 га талбай өртсөн байна.