Дарханы ДЦС-д гарсан гэмтлийг шөнийн 03 цагт зассан ба урьдчилсан байдлаар станцын насжилтын хугацаа хэтэрсэнтэй холбоотой гэж үзжээ

“Дархан Дулааны Цахилгаан Станц” ТӨХК-д өчигдөр буюу аравдугаар сарын 29-нд гэмтэл гарсан. Үүнтэй холбоотойгоор станцын үйл ажиллагаа бүрэн зогсож, Дархан даяар тоггүй болсон нөхцөл байдал үүссэн ба гэмтлийг шөнө 03:00 цагт засварлжээ. Тэгвэл үүнтэй холбогдуулан Шадар сайд, Улсын Онцгой комиссын дарга Н.Номтойбаяр Дархан-Уул аймагт ажиллаж байна. Мэргэжлийн байгууллагынхан шуурхай ажиллаж, хэвийн горимд оруулахаар ажиллаж байна.

Гэмтлийн шалтгааныг урьдчилсан байдлаар станцын насжилтын хугацаа хэтэрсэнтэй холбоотой гэж үзэж байна. Станц нь анх 1965 оноос хойш үйл ажиллагаа явуулж эхэлсэн.

Дархан-Уул, Сэлэнгэ, Төв аймгийн 26 сумын нийт 60 000 хэрэглэгчдэд цахилгаан эрчим хүч түгээдэг станц юм.