Я.Содбаатар: У.Хүрэлсүх хүний эрхийг хамгаалагч Ерөнхийлөгчийн хувьд Н.Учралын хуульд бүхэлд нь хориг тавьж байна

УИХ-ын гишүүн Н.Учралын батлуулсан "Олон нийтийн сүлжээнд хүний эрхийг хамгаалах тухай" хуульд Ерөнхийлөгч У.Хүрэлсүх бүхэлд нь хориг тавихаар болсон. Хоригтой холбоотой асуудлаар ЕТГ-аас мэдээлэл хийлээ. Энэ үеэр ЕТГ-ын дарга Я.Содбаатар "У.Хүрэлсүх ардчилсан Монгол Улсын Ерөнхийлөгч, хүний эрх, эрх чөлөөг хамгаалагч Ерөнхийлөгчийн хувьд энэхүү хуульд бүхэлд нь хориг тавих шийдвэрийг гаргасан. УИХ-аар эл хуулийг хэлэлцэх явцад олон нийт, мэргэжлийн байгууллага, эрдэмтэн судлаачдын санаа бодлыг бүрэн тусгаж чадаагүй гэж үзэж байгаа" гэлээ.