Энэ мэдээ хуучирсан буюу 2024/08/20-нд нийтлэгдсэн мэдээ болно.
С.Цэнгүүн: 100 тэрбумаар 24 суманд соёлын төв барих шаардлагагүй
250
УИХ-ын ээлжит бус чуулган болон байнгын хороодоор 2024 оны улсын төсвийн тодотгол болон ЗГ-ын үйл ажиллагааны хөтөлбөрийг хэлэлцэж буй билээ.
Хэлэлцүүлгийн явцад УИХ-ын гишүүн С.Цэнгүүн "100 тэрбумаар 24 суманд соёлын төв барих шаардлагагүй. Үүнийг хойшлуулж, шаардлагатай буюу эрчим хүчний тулгамдсан асуудлуудаа шийдэхэд анхаарах ёстой" гэх байр суурийг илэрхийлсэн.
Харин Сангийн сайд Б.Жавхлангийн зүгээс "Та Улаанбаатарт төрж өссөн хүүхэд юм шиг байна. Орон нутгаас сонгогдсон гишүүд очхоороо "Соёлын төв нь хаана вэ" гээд л хайгаад давхидаг. Соёлын төв бол сумынхны цугладаг ганц газар нь шүү" гэх хариу тайлбарыг өгсөн юм.
