Ашигт малтмалын зөвшөөрөл олгохдоо Франц иргэдээс авлига авсан гэх асуудалд нэр холбогдоод буй Д.Үүрийнтуяа ЗГ-ын Хяналт хэрэгжүүлэх газарт хэлтсийн даргаар ажиллаж байна

ЗГХЭГ-ын дарга Н.Учрал 2013-2015 оны хооронд Уул уурхайн дэд сайд болон АМГТГ-ын даргаар ажиллаж байсан хоёр хүн ашигт малтмалын гурван тусгай зөвшөөрлийг олгохдоо Евротрейд компаниар дамжуулаад Францын иргэдээс авлига авсан байж болзошгүй гэх хэрэг Францын шүүх эцэслэгдсэн гэх мэдээллийг өгөөд буй юм. Тэгвэл тухайн үед буюу 2012-2016 оны хооронд Засгийн газрын хэрэгжүүлэгч агентлаг, Ашигт малтмалын газрын Дэд дарга, Даргаар Ардчилсан эмэгтэйчүүдийн холбооны дэд ерөнхийлөгч Домбонгийн ҮҮРИЙНТУЯА ажиллаж байжээ. Тэрбээр одоогоор Засгийн газрын Хяналт хэрэгжүүлэх газарт Мониторингийн хэлтсийн даргаар ажиллаж байгаа аж. Түүний хувьд 2024 оны УИХ-ын сонгуульд УИХ-ын сонгуулийн 5-р тойрогт нэр дэвшсэн нэгэн юм.