Г.Дамдинням: Голлох хуулийн төслүүдийг бүлгээр хэлэлцэхэд гишүүд бодлого сөрөхгүйгээр чуулган дээр дэмждэг байхыг л журамлах гэж байгаа

Өчигдөр хуралдсан УИХ дахь МАН-ын бүлгийн хуралдааны үеэр намын бодлогын эсрэг дуугарсан гишүүдийг үнэлж, дараа нь улс төрийн хариуцлага тооцох асуудал яригдсан гэх мэдээлэл бий.

Энэ талаар УИХ-ын гишүүн, МАН-ын бүлгийн дэд дарга Г.Дамдиннямаас тодруулахад "Намын мөрийн хөтөлбөрт туссан голлох хуулийн төслүүдийг бүлгээр хэлэлцэхэд гишүүд бодлого сөрөхгүйгээр чуулган дээр дэмждэг байхыг л журамлах гэж байгаа" гэх тайлбарыг өглөө.