Автомашины татварын нэмэгдлийг бууруулах өргөдөлд 25.792 иргэн гарын үсэг зуржээ
НИТХ-ын хуралдаанаас гарсан шийдвэрээр энэ оны нэгдүгээр сарын 1-нээс эхлэн тээврийн хэрэгслийн албан татвар, зам ашигласны төлбөрийг 2-5 дахин нэмэгдүүлсэн билээ. Энэ нь зарим иргэдийн зүгээс багагүй шүүмжлэл дагуулсан.
Харин нийслэлийн удирдлагууд түгжрэлийг бууруулж, автозамын чанарыг сайжруулахын тулд үүнээс өөр арга байхгүй гэдэг тайлбарыг өгсөн. Тэгвэл нийтийн өргөдлийн "d-өргөдөл" цахим системд иргэн Э.Батбаяр энэ сарын 17-ны өдөр тээврийн хэрэгслийн татварын нэмэгдлийг бууруулах өргөдлийг санаачилсан байна.
Өнөөдрийн байдлаар тус өргөдөлд 25.792 иргэн гарын үсэг зурж саналаа өгсөн байна. Өргөдөлд санал өгөх хугацаа дөрөвдүгээр сарын 25-ныг дуустал үргэлжлэх бөгөөд иргэн та ЭНД дарж оролцох боломжтой аж. Хэрэв нийт 33.000 иргэний гарын үсэг цугларсан тохиолдолд УИХ-аас ажлын хэсэг томилогдож, дээрх асуудлыг хэлэлцэх боломж бүрдэх юм.
