Төр малчдын НДШ-ийн 50 хувийг төлөхөд 24 ТЭРБУМ төгрөгийг зарцуулжээ

Аюулгүй байдал, гадаад бодлогын байнгын хороо хуралдаж, Монгол Улсын Засгийн газар, Бүгд Найрамдах Казахстан Улсын Засгийн газар хоорондын тэтгэврийн асуудлаар хамтран ажиллах тухай хэлэлцээрийг соёрхон батлах тухай хуулийн төсөл /Засгийн газар 2025.05.09-ний өдөр өргөн мэдүүлсэн, соёрхон батлах/ асуудлыг хэлэлцэж байна. Энэ үеэр Гэр бүл, хөдөлмөр, нийгмийн хамгааллын сайд Л.Энх-Амгалан "Малчдын НДШ-ийн 50 хувийг төрөөс төлж эхэлснээс хойш 53800 малчны НДШ-д 24 ТЭРБУМ төгрөгийг төрөөс зарцуулсан. Бусдын төлсөн нийгмийн даатгалын шимтгэлээс л хумсалж байна гэсэн үг шүү дээ" гэв.